Нана, хьо – сан дуне хаза,
Нана, хьо сан ирс ду мерза.
Нана, хьо – сан дахар таза, –
Хьол сов дац сан хIумма деза.
Ненан мотт бу суна хьоме,
Цо лардо сий дийнна къоман;
Ненан дош ду даим чомехь, –
Лерг хьостуш, дог доккхуш тIома.
Шога дош ца олуш нене,
Вирзина-кх со сайн къоьжалле,
Мел там барх ас цунна, хIетте
Кхаьчна вац со декхарх воле.
Нене
© Copyright: Заурбек Хамерзаев, 2024
Свидетельство о публикации №124081907058
Свидетельство о публикации №124081907058
Рецензии