Ца кхеташ хьоьжу со, хьаьнца
Кхиъна хьан гIиллакхийн курс?
Ца кхуллуш ву сане хьаьдда,
Хиэдайан низаман урх.
Делла те воккхачо масал
Йа уьйрех даьлла те зиэ?
Талорхойн динара восса,
Йалале хьайн коьртах цIе.
Совцаде йамарта куьйгаш,
Ма гIерта кхийдоче кхаъ, –
Адаман сий дойучу гIулкхех
Цакъехкарг вац къоман воI.
Махкахой, некъ боьхкуш, гIовтта
Iин хилий, бохь лекха бIов
Нах буъчу жуккаршца гIаттош –
МаслаIат хир доцу дов!
МаслаIат хир доцу дов
© Copyright: Заурбек Хамерзаев, 2024
Свидетельство о публикации №124081906868
Свидетельство о публикации №124081906868
Рецензии