19. чубан кьейила

             I.

Эрч1и гъилиз кьий диде.
Кьекьел чумахди
Гъилин хев ат1ай,
Кьеркьин чантади
Къуьнуьн ц1ам ат1ай;
Ацукьай къулав
Агъзур хпен сан гудай,
Субай хпер гъилелай ийир.
Самгъалар* мет1елай ийир,
Сиве йис авай хеб (суьруь)
Ятахдай акъуддай,
Куьлуь к1елер чими
Демекдай акъуддай,
Бахтавар къар къвезва.
Бала дидедин!
Семен шиверив
Къекъвей хва дидедин,
Лацан суьруьйрив
Къугъвай хва дидедин.

(Дукъкъузпара райондин Мискискар хуьре 61 йиса авай,
к1ел-кхьин тийижир, колхозник Шагьбиче Султановадвай
кхьейди я. Октябрь-1940 йис).

               II.

К1вач вегьейла цур рахадай,
Эвер гайла хеб кхадай,
Мет алай чкадал кфил ягъай.
Чухур авай чкада бере къеай
Чубан вахан!
Кьакьан дагъдивай хьайи,
Ширин ччандивай хьайи,
Яд къведай хуьлервай хьайи,
Къван къведай чип1ервай хьайи
Чубан вахан!
Етимар байтул хьайи,
Терика, тясиб хьайи,
Кимин саламар гахгай,
Папан т1алакьар гахгай
Чубан вахан!

(Ахцагь райондин Хуьруьгви 50 йиса авай,
к1ел-кхьин тийижир, колхозник Гаджиева
Зулейхадвай кхьейди я. Ноябрь-1940 йис).

Самгъалар-нек квай хпер.