Чубандикай кьиса. 4

Яваш- яваш авагъиз,
Киц1ик юзун акатна.
Къарагъиз, мад ахцукьиз,
Шатал мезни аватна...

Тевледа къар фейибур,
Акъатайла шегьердиз
Жеда сивер каватна,
Бегьем са эйбежердиз...

Дишидлайни лап фейи
Амалар гвай туладив:
Аквазвай заз, эхзавай
Киц1и са гужбаладив.

Эхирни ам, ц1ай хьана,
Ялна тулад патавди,
Зунни хъиле аткана,
Хъиткьинзавай ялавди.

Къудгунна за чкадлай,
К1евидаказ гьарайна,
Гъиле авай къушайрай,
Гуьллеярни ахъайна...

Кьведни къугъваз шаддаказ,
Синелайт1уз алатна,
Хабар хьайи, киц1ерин
Къати сесер акъатна.

Гьикьвадар хъел квайт1ани,
Къушаяр мад ац1урна
Кьулухъ галаз киц1ерин,
Зани анихъ чук1урна...

Киц1 са язух гьайван я,
Намус, камал авачир,
Тербиядкай фагъирдиз
Я хабарни хьаначир.

Тула акур бязибур
Аткида фад суьгьуьрда,
Квахьда гьая, намусни,
Т1варни кваз кьац1урда.

Садбуруни, амалдар,
Итимд кьилив ракъурда
Тула хьтин алчахар,
Хъсан туна гъавурда.

Мукъаят хьухь, ялтахар
Мез аватна атайла,
Хуш гафарив алцуриз,
Чанар ягъиз рахайла.

Вун са т1вет1ни туш адаз:
К1анзавайди ви чан я.
Негьякьвиле авайди,
Негьякьдан эрзиман я.