Дагъви я зун, т1вар я Жамил,
Шадвилерал ала зи вил.
Жезвачт1ани юзариз гъил,
Садрани за агъуздач кьил.
Кьисмет хьанва заз залан мес,
Рик1 ц1разва, сак1ан тежез.
Ят1ан рик1е ава гьевес,
Асивализ элкъвезвач мез.
Шиирдикай хьана юлдаш,
Курвилер зи жезва кармаш,
Жезвачт1ани к1вачер муьт1уьгъ,
Т1имил жезвач рик1ин ишигъ.
Хьайит1ани артух яшар,
К1убан руьгьда жеда гатфар.
Чи гьар са югъ хьурай экуь,
Ислягь хьурай дуьнья вири!
Хиялар
© Copyright: Магомед Мирзоев Мирзой, 2024
Свидетельство о публикации №124081805823
Свидетельство о публикации №124081805823
Рецензии