Аллагьд патай уьмуьр язва чаз савкьат,
Гьар са касдиз аманат я диде-чил,
Кьисмет я хуьр садаз, садазни гъурбат.
Гьайиф шаир, Хуьруьгарин хва, Джамил!
Акъатдай туш Аллагьдин сирерай кьил,
"Хуьруьг к1ват1алда" рахадай чи билбил,
Ханва гила вирибурун шад гуьгьуьл:
Бейхабардиз чавай къакъатна Джамил!
Кьуд патара, гьейранариз, яйлахар,
Шир-шир йиз къугъваз-рахаз булахар,
Михьи руьгьда авачир к1ус дамахар,
Вун Хуьруьгрин рик1ера (а)ва, чи Джамил!
Дерин тир ви ачух рик1ин жигъирар,
Нурлу-экуь кхьизвай на шиирар,
Халкьдин уьмуьр хъсан хьун тир фикирар,
Ви дуьаяр Аллагьдиз хьирай, Джамил!
Гьикьван мурад-хиял амай ви рик1е,
Тамамарда ви дустари кьилиз къе,
Нур гузва ви руьгьди, гъетре хьиз Зуьгьре,
Архаиндиз ксус женнетда Джамил!
Секина Феталиевна. Жамилаз
© Copyright: Магомед Мирзоев Мирзой, 2024
Свидетельство о публикации №124081805245
Свидетельство о публикации №124081805245
Рецензии