Молитва Иоанну Воину От обидчика

МОЛИТВА СВЯТОМУ ИОАННУ ВОИНУ ОТ ОБИДЧИКА
"О мучениче Христов, Иоанне воине! Храбрый еси во бранех, и врагом прогонитель,
и обидимым заступник, всем православным христианам. О великий заступниче и
угодниче Христов! Помилуй нас, грешных и недостоиных, и заступи в бедах и в
скорбех, в печалех и во всякой злой напасти, и от всякого злаго и обидящаго
человека, тебе бо дана бысть таковая благодать от Бога, еже молитися за ны,
грешныя, в бедах и напастех зле страждушия.
Избави убо нас от обидящих и ненавидящих, буди нам поборник крепок на вся видимыя
и невидимыя враги наша.
О великий поборниче, Иоанне воине! Не забуди нас, всегда молящихся тебе, просящих
помощи и неоскудныя милости твоея, и сподоби нас, грешных и недостойных, получити
от Бога неизреченная благая, яже уготова любящим Его. Яко подобает Ему всякая
слава, честь и поклонение, Отцу и Сыну и Святому Духу, ныне, и присно, и во веки
веков. Аминь."
(газета "Студия НН"; 4 октября 2017 года)