1.
Атана, (а) тана,
Шамил атана;
Шамилан кьушун
Т1имил атана.
Т1имил кьушундин
Суьрсет ат1ана,
Алчах душмандиз
Нуьсрет* атана.
Ахцагьиз (а) тана,
Къеле къачуна,
Залум пачагьди
Уьлкве къачуна.
(Хуьруьга Зулейха Гаджиевадвай Гаджиев
Агъалара кхьейди я. Ноябрь - 1940 Йис).
11.
Шамил гьахьай гъазаватда
Я ччан гейи к1ани гада,
За зи хиял нел вигьин гил,
Ччан аслан яз кьейи гада?
Гьа Шамилан кьулавай тур
Тия-гьулдан къагъ къизил я.
Гьа Шамилан кьушун авай
Зурба къелед рак къизил я.
Шамил атай варз алай йиф,
Варз алай йиф экуьди я.
Адан душман урус пачагь
Эл тарашдай пехъиди я.
Чергес пурар алай балк1ан
Шамил алаз атайди я,
Игит Шамил гьар дяведай
Гъалиб хьана хтайди я.
(Ахцагьви Зарбаф Гьасановадвай Меджидов Къияса
кхьейди я. Октябрь-1929 йис).
_______
*Нуьсрет-куьмек.
6. Шамилаз
© Copyright: Магомед Мирзоев Мирзой, 2024
Свидетельство о публикации №124081405122
Свидетельство о публикации №124081405122
Рецензии