Ёсць замілаванасць да кагосьці,
Трапяткая, ціхая, самотная.
Запануе раптам ад чагосьці?
Бурная, гарачая, маркотная.
Галаву закружыць надта ж смела,
Нежаданая, неспадзяваная.
Сэрца каб няшчаснае самлела,
Няўклюдаю той боль неадчуваны.
Ёсць замілаванасць, як пяшчота,
Неразгаданая, невымоўная.
Прыхаваць, прыкрыць яе ахвота,
Непатольная, бяда адмоўная.
Ёсць замілаванасць, ёсць, паверце...
Шчырая, дзівосная, цудоўная.
Сэрца цалкам пачуццю даверце,
Бо пяшчота гэта звыш чароўная.
Пяшчота
© Copyright: Татьяна Цыркунова, 2024
Свидетельство о публикации №124080901547
Свидетельство о публикации №124080901547
Рецензии