Аламачир дагъвид к1алуб,
За гьик1 лугьун зун дагъви я ?!
Зун жув жувал жезва тажуб,
Захъ амайди са иви я.
Амач валчагъ,амач бармак,
Гьинва балк1ан жегинин дуст?
Бубад гапур к1валин цлак,
Верги гай хьиз ахвара суст.
Аламачир кьилел залпан,
Фикирзавай:-" Буш хьанва кас".
К1вачикзавай къадим Алпан
Мидяяйриз регъвезмач сас.
Зи туьнт къилих хьанва къуьруь,
Сиясатдин сулукдавай,
Амма зи мез жедач куьруь,
Дидед ч1алаз къуллугъзавай.
Зи ерияр истих галаз,
Вири ама,зун баят туш.
Зи дамарра ифин алаз
Ялапдавай иви яд туш !
Иви яд туш!
© Copyright: Сейфудин Шахпазов, 2024
Свидетельство о публикации №124080306490
Свидетельство о публикации №124080306490
Рецензии