Ян-якка кашады, кайгыларым,
Тек орамга шыксан, сен аьруьвим!
Дуньямды мутаман, сени коьрсем,
Ойымды биледынъ, аьруьвим сен!
Кара коьзлеринъды, мен муталмай,
Орнымды излеймен, эш табалмай.
Сени коьрим келип, мен шыгаман,
Сенсиз яшавымды, ойламайман.
Куьнсайын келемен, тезеренъге,
Сени суьдирермен, мен оьзимге,
Ярык ойларынъды, мен билермен,
Сеннен аьруьв йок деп, айтарсын сен.
Юрегимды сага сендиремен,
Колымды созып, мен соьз беремен:
Сени айттырып мен, той этермен,
Орамга сыялмай, суьйинирмен.
Юректе суьювды йылытарман,
Коьп йыллар озссада, мен айтарман:
Сенинъ коьзьеринъге, мен карайман,
Сенсиз яшавымды, ойламайман.
Ян-якка кашады, кайгыларым,
Тек орамга шыксан, сен аьруьвим!
Дуньямды мутаман, сени коьрсем,
Ойымды биледынъ, аьруьвим сен!
Сен аьруьвим!
© Copyright: Гульжан Суюнова, 2024
Свидетельство о публикации №124080201906
Свидетельство о публикации №124080201906
Рецензии