***
Матчынай песні не помню я слоў.
Рэдка матуля спявала.
Толькі матуліну помню любоў.
З ёю мяне гадавала.
Сёння на свеце жыву як магу:
І не святы й не бязверца.
Матчыну песню ў душы берагу
Недзе ля самага сэрца.
Што я ні маю, Радзіме аддам.
Можа, што й возьме для песні.
Я не ўваскрэсну, калі буду там.
Ты ж, Беларусь, уваскрэсні!
25. 07. 2024 г.
Матчынай песнi не помню я слоу...
© Copyright: Юрий Боровицкий, 2024
Свидетельство о публикации №124072502698
Свидетельство о публикации №124072502698
Рецензии