Каша йодаш ворда хилча Мустафа Ганижев

    Каша йодаш ворда хилча    Мустафа Ганижев

Ваннар д1ахьож ворда тайна,
Со хьож хурьва дуне дита.
Цу т1а вужаш б1аргаш дайна,
Ког д1абетлуш хьоргвац каш т1а.

Са даха, 1индарг1а хина,
Букарвирза ха хул д1айовш.
Отц1аькх мо букъ хул гергбана,
Мела волаш, михо терквеш.

Маьлха к1ала дег1 эгадеш,
Водаш хина ха хул д1айовш.
Из дицдана хьош ва цо вордо,
Хеталу вуга, сакъерда со.

Каша кхаьча, 1очувилла,
Лаьт т1а хьакха,Яьси дийша –
Нах д1абийрза саг д1авелла,
Болха шоай арг1а т1аийца.

Каша йодаш, ворда хилча,
Аттаг1а да са чурдаьлча.
Маьждиг латаргда ший метте,
Из гуш вар воша, дог даьтт1е.

Водда, юхвоаг1а са воша,
Са каш цхьаь ца дита аьле.
Цига цун ваг1ар хул веша,
Цхьа бо хинна дог д1адаьле.

Из соца къамаьлде хьожаш,
Ший хаттара жоп д1адехаш.
Жоп ца хозаш, саготдале,
Волалу воша велх ваьле.

Яьссача ара мух хьакхе,
Са каша т1а ший дог дилла,
Вахар са воша гув лакхе,
Цигар хьажа со вицвала.
        08.07.2024 ш.