Ваз вуч лугьун,захъ гаф амач,
Ви къаршидиз зун атайла,
Чуьнуьх хьана, жаваб ганач,
Михьи рик1елд вав рахайла.
Аял хьиз зун алцурарна,
Кьурана мез-жавабнач гьич,
Шадзавай рик1 гацумарна,
Туьхуьрна зи ц1ай квай пич.
Ви кьил кьуна, барбат1на жув,
Муьгьуьббатдин амач гелни,
Ягъиди хьиз язава къув,
Рик1е кьурла хаин хьелни.
Ягьанатар ийиз закай,
К1амаш тирни бес зун гьакьван,
Вучиз яр кьун хьанай вакай,
Гила хьана зун явакьан.
Ихтибарнай вахъ за сирер,
Ачухнай рик1ин гьиссер,
Са легьзеда хана рик1ер,
Гила ч1угу жуваз кефер!
18.07.2024.
Гила ч1угу жуваз кефер
© Copyright: Нажмудин Шихнабиев 2, 2024
Свидетельство о публикации №124071802962
Свидетельство о публикации №124071802962
Рецензии