Малика ва Сиявуш

Бу вокеа кадим утган замонларда, буюк шох Нодир хукумрокнлик килган даврда, улкан Техрон шахри ёнидаги кичик ва гузалликда бетакрор булган Чирок номли кичкина кишлокча булган экан, айнан шу жойда бизни кахрамонимиз яшар эди. У кишлокнинг ахолиси бор йуги 200 кишидан иборат экан, шундай булсада у ерда яшовчи хар бир одам уз кишлокдошига нисбатан мехрли ва гамхур экан. У кишлокда бир Марьям исмли аёл яшаган экан, у узи пул топар, рузгорни тебратар, шу билан бирга ягона угил фарзандига жуда хам кучли мехр берарди, у кишлокдаги энг фаол аёллардан бир эди. Бунга сабаб, хаётлигида унинг турмуш уртоги бу кишлокнинг бошлиги булган экан,  у вафот этганидан кейин эса аёл бу ишларни уз зиммасига олиб, бор кучини шу кишлок фаровонлиги ва ривожи учун багишлаган эди.
Эрта тонгдан хали хурозлар кичкирмасидан аввал аёл тогларга, дашт-адирларга бориб шифобахш гиёхлар йигиш учун чикиб кетар эди. Баъзи утларни усиш даври узок эмас эди, шунинг учун у утларни маълум бир вактда йигиб олиш керак эди, акс холда улар уз кучини йукотар эди. Утлар ва баъзи дала гуллари купгина касалликларга даво булиши мумкин эди, аёлнинг авлодида хамма гиёхлар терими ва дори тайёрлаш билан шугулланган эди, бу билимлар унга хам меърос булиб утган эди. Гиёхлар териб уз ишидан бушагандан кейин Марьям бор вактини ягона угли Сиявушга багишлар эди, углини парваришлаш, у билан сайрлар килиш ва барча машуглотларга вакт топа олар эди. Бола хеч качон она мехрига зор булмаган, у доим онаси учун энг азиз инсон эканлигини сезиб яшаган. Марьям углини кундуз куни ухлаганида, барча ишларини килиб олишга улгурар эди, у гиёхларни куритишга ёйиб куяр, сотувчиларга олдиндан тайёрлаб сатин копчаларга солиб номлари ёзиб куйилган гиёхларни бериб юборар, ундан кейин эса аёл углини олиб уз ва кушни кишлоклардаги бетоб болалар ва катталарни даволаш учун боришар эди. Аввалига бориб даволашга мухтож булганларни куриб чикишар эди, кейинги кунига эса зарур булган гиёхларни олиб келиб бетобларни даволашар эди. Сиявуш хеч качон онаси билан зерикмаган ва кулидан келгунча унга ёрдам беришга харакат килар эди, имкон кадар онасининг кулидаги юкларини кутаришга харакат килар эди, севимли онажонисига ёрдам беролганидан жуда хурсанд булар эди. Угил улгайганида онасини ишламаслиги учун харакат килди аммо онаси ишсиз утиришни ёмон курар эди, тогларга эрта тонгда чикиб кетиб кечга якин кайтиб келар эди ва кишлокларда юриб давога мухтожларга ёрдам беришда давом этар эди.
Кунларнинг бирида кишлок ёнидан бир хашаматли чиройли отлар кушилган арава утиб кетди ва шох Нодир томонидан шахарда катта мусобака уюштирилаятганини эълон килди. Шох мусобака эълон килган экан ва голиб булган пахлавонга кизи Маликани турмушга беришини айтган эди.
Кишлок ахолисига бу жуда кизикарли булиб куринди, улар йигилишиб Мариямнинг олдига боришди ва унинг угли Сиёвуш бу мусобакада катнашиши мумкинлигини айтишди. Сиёвуш бакуват, келишган ва жуда акилли йигит эди, кишлок ахолиси унда голиб булиш учун барча имконлар бор деган фикрда эди. Аввалига Сиёвуш бу мусобакага боришни истамади, унга онаси олдидаги тинч хаёти авзал эди, узини у даражада мохир жангчи деб хам хисобламас эди.
Купгина мухокамалардан кейин охири Сиявуш шахарга йул олди, у мусобакада катнашиш учун уз номзодини киритди. Йигит биринчи мартта шахарга келган эди, хамма нарса уни узига мафтун этар эди, бозорлар, катта бинолар унинг эътиборини тортар эди. Нихоят мусобака бошланадиган кун хам келди, у ерда дунёнинг турли чеккаларидан жуда кучли пахлавонлар ва шахзодалар иштирок этишди. Сиявуш жуда очик кунгил ва самимий йигит булгани сабаб унга омад кулиб бокди, у барча шартларда голиб чикди. Ваъда килингандек голибни шох саройига таклиф килишди ва сарой богида у малика билан учрашди.
Малика тасвирлаб булмас даражада жуда хам чиройли эди, шаршара мисоли сочлари, келишган кадди, чой дарахти рангидаги кузлари ва сут каби оппок бадани одамни узига мафтун этар эди ва шу билан бирга малика жуда хуш муомала эди, харакатлари эса кулдаги оккуш раксига ухшар эди. У гапиришни бошлаганида овози узига мафтун килар эди, кулганида эса овози жилга каби таралар эди. Бунинг хаммаси на ёш ва на карини, хох у эркак булсин хох аёл барчани эътиборини тортар эди, барчани маликага мехри тушар эди. Буни хаммасини билиб Малика барча куёвларни рад этар эди. Канчадан канча шахзодалар Маликанинг ойоклари остига турли кимматбахо тошлар ва мисли курилмаган совгалар, антика гуллар ва бошка ноёб буюмларни ташлаган эди Малика эса факат уз мафтункор кулгуси билан хаммани устидан кулар эди. Аммо Малика Сиявушга назар солиши билан юзлари лоладек кизариб кетди, Сиявуш нафакат жуда келишган, у тарбияли йигит эканлигини куриб унга булган кизикиши орта бошлади. Улар сухбатлашиб куп вакт бирга утказишди, вактни чог утказишди, кувонишди, якиндан бир-бирини таниб олишди. Улар бирга булишганида богдан маликанинг жарангдор кулгиси тинмасдан жаранглар эди.
Кунларни бирида Малика йигитга жиддий каради ва унинг шундай деди “Тугри менга жуда ёктинг, бу мусобакада голиб чикганингдан жуда хурсандман аммо ниятинг жиддийлигини, менга булган муносабатинг чинлиги билишим учун сенга яна бир синов бермокчиман” деди. Сиёвушга малика жуда ёкиб колган эди, у албатта кизнинг барча шартларини бажаришини айтди. Шунда малика ундан юкори тог чуккисига боришни ва у ердан ;орда усдиган сехрли шифобахш ва дунёда ягона булган гулни кетиришини айтади, шох Нодир даврида хеч бир инсон у ерга бормаган экан, ундан анча олдин борган одамлар эса бошка хеч качон кайтиб келмаган экан. Одамлар орасида бу гулни ;ор рухлари куриклаши хакида гаплар юрар эди, айтишларича у гул инсонга бокий навкиронликни берар экан, у гулга эгалик килган одам хеч качон каримас экан. 
Бу топширик жуда мураккаб куринар эди, тантик кизнинг эркалигини бажаришдан кура Маликадан воз кечиш осонрокдек туюларди. Сиявуш жуда тушкун холда уйга кайтди, у жуда хомуш ва азобланган холда эканлиги куриниб турар эди. Марьям углини бундай ахволда хеч качон аввал курмаган эди, у хаммасини тушунгандек булди ва угли билан гаплашмокчи булди. Сиявуш онасини тухтатиб хонадан чикиб кетмокчи булди, аммо онаси уни тухтатиб “Углим сен ткфайли отанг билан айриликга бардош бердим, куп йилларни биргаликда бахтли утказдик, аммо энди сен уз хаётинг билан яшашинг керак, агар такдир сенга севимли инсонинг билан бирга булишни насиб килган булса мен бу учун кулимдан келганини киламан, факатгина менга гап нимадалигини айт” деди. Сиявуш онасининг мехр билан айтилган бундай сузларини рад килолмади, онасига булган вокеани хаммасини айтиб берди, бунга жавобан онаси каттик кулиб юборди ва барча шифобахш гиёхларни у айнан шу ;орнинг олдидан теришини айтди. Марьям у ;орда хеч кандай махлуклар ва рухлар йуклигига ишончи комил эди, шунчаки у ;орнинг ичида жуда куп айланма йуллар ва яширин сукмоклар куп эди, одамлар эса ичкарига кириб кетиб оркага кайтишга йулни тополмагач бошка кайтиб келишмаган. Марьям бу мураккаб аммо у учун осон булган бу шартни кандай бажариш мумкинлигини билар эди, у узун аркон олди ва тонгда у гулни олиб келиш учун йулга чикди, кейинги кун эса у ;ордан гулни олиб уйига кайтиб келди. Сиявуш онасини олдида тиз чукиб, бошини Марьям тизасига куйди, онасидан жуда миннтадор эди, онаси уз навбатида углини бошинисилаб унга ок фотиха берди. Сиявуш кулига гулни олди, уни каттик шамолдан химоя килиб, у гул биллурдан ясалгандек унга гамхорлик килиб саройга олиб борди. Йигит саройга келди ва гулни Маликага курсатди, у киз олдида бир тиззасига туриб гулни узатди ва бу кийин ва хафли булган шартни бажарганини билдирди. Малика йигитнинг кулидан аста гулни олди ва уни отасига миннатдорчилик ва мехр белгиси сифатида бериб юборди. Шох Нодир бундан уч карра хурсанд булди, биринчи навбатда кизи у хакида кайгургани учун, иккинчидан энди у бир оз ёшариши мумкин эди ва нихоят учинчидан у жарчиларга кизининг туй куни ва соатини айтиши мумкин эди чунки унинг шарти бажарилган эди.
Малика йигитни мактади, шартни кандай тез бажарганини айтиб кувонди, Сиявуш малика учун бундай хатарли ишни килгани ва унга булган муносабати жиддий эканлигини билганидан хурсандлигини айтди.
Маликанинг иккинчи шарти биринчи шартга караганда анча кийин булиб чикди, малика айтди: “Сиёвуш, сенинг оиланг ва якинларинг сени канчалар кадрлаши ва танловингни макуллашини билмокчи эдим, шунинг учун мени яна бир талабим бор” дейди бир кошини чимирди ва кулини ингичка белига куйди. Малика шарт куяди, Сиёвуш кавмидаги барча эркаклар келиб сарой олдида уз хурматини билдирган холда тиз чукишлари керак эди, аёллар эса сочларини калта килиб кесишлари керак эди, у сочларни Сиёвуш йигиб олиб маликага такдим этиши керак эди.
Бу шарт Сиявушга жуда хам огир куринди, у бу вазиятни уйлаб тушкун холатга тушди, аммо унинг якинлари йигитга булган мехри ва окибатини курсатишди, уни куллаб-кувватлашди. Эрта тонгдан Сиявуш кавмидаги барча эркаклар шох саройи олдига келиб тиз чукган холда уз хурматини билдиришди, йигит эса кавмидаги барча аёллар шу жумладан онасининг сочларини йигиб олиб маликага олиб борди.
Малика савол беради: “Онангни сочлари хам шу ердами?”- дейди, йигит албатта онасининг сочлари хам шу ердалигини айтади, ахир онаси унинг энг якин инсони эди. Малика йигитга каради ва жиддий савол берди: “Онанг умрингни охиригача сенга мендан азиз булиб колса керак, тугрими?”, йигит айтадики албатта шундай булса керак, ахир у мени онам ку, мен учун дунёдаги энг азиз инсон, сени эса хали яхши танимайман. Малика тажубланди: “Курдингми кандай сен мени билмасанг мен хам сени хали яхши билмайман. Сен сарой хаётида яшай оласанми, бунга куника оласанми, ахир саройда фитна, ёлгон ва жуда куп хавф-хатар бор. Сен бундай машаккатларга токат килоласанми, кийинчиликларга бардош бероласанми, шунга ишонч хосил килмокчиман дейди. Малика кузларида савол билан Сиёвушга узок тикилиб турди ва узок сукутдан сунг унга жуда мураккаб шарт куйди, у саройга инсон юрагини олиб келишни буюради. Малика буни шу кадар осонлик билан айтдики, гуё у кандайдир ширинлик ёки оддийгина уйинчок олиб келишни буюргандек эди.
Йигит бу шартга тушунмайди ва иккиланишни бошлайди, унга бу гаплар кулогига чалангиндек бу хакикат эмасдек туюларди. Шунда малика унинг каттияти ва бардошини намоён этиши учун у кимнидир улдириш кераклигини айтади, шу улган одамни факатгина юрагини маликага келтириши кераклигини айтади. Йигит бу сузлардан хайратга тушади, одам улдириш кулидан келмаслигини айтади: “Мен одам улдириб юрагини сенга олиб келсам, сен котил билан кандай килиб хаёт кечирасан?”, малика унга жавобан: “Бу хакида уйлама, буни мен уйлайман, мен учун хамма нарсага тайёрлигингни куришни хохлайман” деб жавоб беради.
Сиявуш бу гаплардан хайратланди, тушкун холатга келди, нима килишини билмай саройдан чикиб уйга кетди. Уйга келиб кайгуда утирди, онаси унинг олдига келиб, бошидан силади ва нима сабадан бу кадар кайгуга тушиб колганини сурайди. Йигит онасига караб нолий бошлайди, нима сабабдан хаётда бунча омадсиз эканлигини, маликани севиб колгани ва у сиз хаётини тасаввур килолмаслигини айтиб жуда кийналади. Малика ундан одам улдиришни талаб килганини, одам юрагини унга олиб бориши кераклигини бу эса йигитни кулидан келмаслигини айтиб, булган хамма вокеани тушунтиради. Сиёвуш сукут саклаб узок утирди, узок жимжитлик хукумрон булди, бу сукунатда кандайдир вахима бор эди, кучада итларнинг вовуллаган овозлари эшитилиб турар эди. Онаси яна индамай туролмади у углини бошидан ва елкаларидан кучоклади, Сиявуш онасига кузларини кутарганида Марьям бу муаммога ечим албатта топишини, чунки углининг бахти онаси учун энг мухим нарса эканлигини айтиб углини тинчлантирди. Марьям учун асосийси углининг бахти ва Сиявуш оркали унинг авлоди давом этиши эди, Сиявушнинг отасига углининг фарзандлари куп булиши ва катта оиласи булиши хакида ваъда берган эди. Она углини яна бир бор жуда бошкача багрига босди, уни хаммадан хам ортик яхши куришини айтди. Улар яна куп бир утиришди, Сиявуш онасини кулларини упар эди, онасининг кулидан кандайдир утлар ва ё;лар хиди келар эди,  бу ширин-аччик хид у учун дунёдаги энг ёкимли хид эди.
Шундай килиб Сиявуш кандай килиб ухлаб колганини сезмай колди, кун хам огир булган эди, булган вокеаларни хам тезрок унутишни истаган булса керак шу сабабдан толикиб ухлаб колган.
Эрта тонгда Сиёвуш кузини очди, деразадан каради, осмонни булутлар коплаган эди, хамма жой коронгу тунга ухшар эди, аммо бу тонг эди. Атрофга каради онаси йук эди, хаёлида онаси хар доимгидек шифобахш гиёхлар тергани кетган булса керак деган фикр келди, аммо шундай ёмон об-хавода кандай килиб кетган экин деган фикр билан урнидан турди. Бирдан кузи ердаги гиламга тушди, унда юрак бор эди ва у уриб турар эди. Бу ходиса худди чакмок чакгандек булди, кандайдир сонияда Сиявуш узини катта бугдой даласида кургандек булди, куёш жуда ёркин нур сочар эди, бу хаётидаги энг куёшли ёз куни эди. Йигит хатто нима булганини тушуниб етмади, уйлагани хам йук, у юракни олдида сарой томон югура бошлади. Йулда югуриб борар экан одамлар уни кетидан тош ва турпок отиб уни котил деб айблашар эди, йигит эса тушунмас эди нега у котил экан, хеч нарсани тушунмас эди. Ахир мужиза юз берди, хеч ким азият курмади, осмондан уни оёклари остига юрак тушиб колди, балки унинг нолаларини яратган эшитган ва унга ёрдам бергандир. У бошка хеч нарса хакида уйлолмас эди: “Тезрок, тезрок севгилим олдига шошишим керак!” дея йулда давом этар эди.
Оламон эса хеч тинчимас эди, яна бир оз колса одамлар унга кетмонлар билан зарба бера бошлашар эди, хамма баланд овозда “Кандай журъат этдинг, кандай килиб бундай одамларни ер кутариб турар экан, сен яшашга лойик эмассан!” дея бакирар эди. Яна бир тош билан берилган зарба Сиявушга келиб тегади ва у йикилиб тушади, .......яна узок кучалардан дайди итларнинг вовуллаши эшитилади, турналарнинг вахимали ва каттик хайкириклари орасида (гуёки улар хам уз газабини билдиргандек) бирдан кимнингдир таниш овозини эшитади: “Урнингдан тур, йулингда давом эт, оёкларинг лат емадими, узингни эхтиёт кил менинг ягона ва севимли углим” – деган гапларни эшитади.
Сиявуш узини бехузур сезди, боши айланиб холсизланди, аммо бирдан урнидан турди ва оёклари уни янда тезлик билан сарой томонга юра бошлади.
Сиявуш саройга етиб келади, малика хузурига хали хам уриб турган юракни олиб киради. Малика куркувда хайкиришни бошлайди: “Бу онангни юраги экан, сен нима иш килганининг билдим, бундай иш килишга кандай журъат килдинг” деб хаммани вахимага солади. Бу вактда юрак уришдан тухтаб, йигитни кулида музлаб колади. Шунда йигит бу онасининг юраги эканлигини англаб етади ва узини йукотиб, нима килишини билмай тошдек котиб колади. Малика отасига йигитни хайдаб юборишни буюради, чунки уз онасини улдирган котил билан у хаёт куриши мумкин эмаслигини айтади. Шох хам бундай вазиятда нима килишни билмай, унинг тантик ва эрка кизи йигитни катл этишни буюрмагунича зудлик билан йигитни хайдаб юборишга мажбур булади.
Сиявуш жуда тушкун холатда узини билмай юради ва узини улдириш учун тогларга чикиб кетади, аммо ниятини амалга оширишга кучи етмай йулда хушидан кетиб колади. Унинг устида бургутлар, бурилар ва тулкилар барчаси айланишар, ундай улжага хурсанд булишар эди.
Якин орада куйларни утлатган чупон кандайдир харакатлар булятганини куриб, йигит тарафга боради, у ерда йирткичлар улжа талашиб тортишятганини куриб колади, уша тепаликга кутарилади ва у ерда одам ётганини куради.
Чупон ити билан йирткичларни хайдаб юборишади, чупон итини йигит олдига бойлаб кетади, ит йигитни химоя килгунига кадар чупон кишлокга тушиб ёрдамга бошка одамларни чакириб келади. Одамлар йигитни кутариб чупон уйига олиб келишади, уни уриндикга жойлашади, йигит узини билмай уч кун ётади, уч кундан кейин узига келади ва кузини очади. Йигит урнидан туриб узини каерда эканлигини тушунолмайди, жаннатга тушдими ёки дузахдами англамай турган бир пайтда, чупон уни тинчларнтиради ва йигит хали тирик эканлигини айтади, йигитни хаётида кандай вокеалар булиб утганидан хабари борлигини айтади.
Чупон уни тинчлантиради, хаётда хамма нарса булиши мумкинлигини, йигитда хеч кандай айб йуклигини айтади, унга далда бермокчи булади ва узини бошидан утган вокеасини хам айтиб беради.
Бундан анча йиллар олдин чупон угли билан бирга куйларни утлатгани тогдаги адирларга олиб чикган ва углини пода билан колдириб узи кишлокга тушиб кетган, кайтиб келиб угли билан куйларни кайтиб олиб кетиши керак булган. Аммо чупон уша жойга борганида углини топа олмаган, уни кидирган аммо хеч каердан топилмаган. Угли кандай йуколган, нима сабабдан, у билан нима булганини хеч ким билмаган, шу билан чупон угли хеч качон уйига кайтиб келмаган.
Чупон углининг ёш беваси ва икки кизи бор экан, чол уларга охирги 5 йил давомида гамхурлик килиб келган экан, чолнинг аёли эса 6 ой олдин ягона ва севимли угли билан айриликга чидолмай олмадан утган экан. Барча рузгор, келин ва икки набираси чолнинг зиммасида колган экан.
Чол узининг кекса ёши хакида уйламай куйган эди, келинни куп бора турмушга бермокчи булган, чунки ёш аёл азоб чекиб кария билан бир уйда хурсандчилик курмай утишини хохламаган эди, совчилар хам уйларига жуда куп мартта келган эди. Аммо келин, турмушга чикишдан бошка оила куришдан бош тортар экан, “Мен бошка хеч хачон хеч кимни севолмайман, мухаббатсиз яшаш эса бу – кизларимни хам бахтсизликга махкум килишдир” деб айтар экан. “Мен бу уйда яхши яшаяпман, деворлари калбимни ёритади, хотира эса хаётда давом этишимга ёрдам беради, бу дунёда углингизга ухшаган бошка инсонни хеч качон учратмасам керак!” деб айтарди келин. Бунга карамай кария яна ва яна келинга турмушга чикишни таклиф килар эди, хар доим жавоб бир хил эди, келин кулги билан буни рад этар эди, эхтимол бу кулги унинг сузларини бир оз енгиллатар деб уйларди.
Йигит карияни гапларини диккат билан эшитди, кейин иккиси хам хар хил хаёллар билан узок вакт индамай уйланиб утириб колишди. Сиявуш бирданиги уйкудан уйгонгандек булди, у сакраб урнидан турди ва ташкарига чикди, ташкарида бахор нафаси уфуриб турар эди, дарахтлардан кушлар сайраши эштилиб турар эди, атрофда хамма жой гуллаб яшнар эди, гуллар энди очилган булсада кузни турфа ранглар билан кувонтирар эди, барча кукатлар шу даражада ям-яшил эдики, гуёки барглар яшил буёк билан буялгандек эди. Атрофни куздан кечирар экан кузи бирдан келинга тушди, у кизларининг ювилган кийимларини дорга осгани чикган экан. Киз узини нокулай сезди аммо Сиявушга жавобан карамасликни иложиси йук эди, чунки у уйга кириши керак эди, остонада эса уларнинг кутилмаган мехмонлари турар эди. Уларни кузлари бир неча сонияга тукнашди ва кизнинг юраги санчигандек булди, гуёки у игна ютиб юборгандек эди, Сиявуш эса уша лахзада киз олдида бир тиззасига утирмокч булди, аммо нимага бундай килмокчилигини узи тушунмай колди, балки туйгулар жуш уриб кетгандир, балки уйларида чакирилмаган мехмон булиб уларга нокулайликлар келтиргани сабабли. Кизни исми Зарнигор эди.
Аста секин хаёллари узига келишни бошлади, шунда Сиявуш яна бир кадам куйиб ховлида уйнаётган болалар олдига борди, улар билан уйнаб уз дардини бир оз муддатга унутиб узи хам ёшликга кайтгандек булди. Улар “кудукни айланиб ут” уйинини уйнаб бир-бирларини оркасидан югуриб уйнашди, Сиявуш болалар билан туйиб уйнаб, уйга кайтмокчи булганда яна Зарнигорга тукнаш келди, бу сафар иккиси хам кузларини олиб кочди. Сиявуш тезда Зарнигорга мурожаат килди: “Балки сизларни уйингизга келганим шунчаки тасодиф эмасдир? Сизларни уйингизда колсам буладими, урганган хаёт тарзингизга халакит килмайманми? Сизлар билан колсам буладими, менинг бу ерда колганимдан кандайдир фойда булармикин.” Айни дамда Сиявуш нима учун ва кандай килиб яшашни тасаввур хам килолмас эди, аммо бу ерда у узини керакли хис килиши муммкин эди.
Сиёвуш кизга турмуш куришни таклиф килди, уни бахтли килишини фарзандларига эса оталик килиб, колган хаётларини кувонч ва шодликда утказишлари учун кулидан келган хаммасини килишини айтди. Келин йигитга каради, бир оз сукут саклаб, жавоб бермай уйга кайтди, аслида у уйдан ховлига чикиб кетаётган эди, аммо хаёллари чигаллашиб уйга кайтиб кириб кетди, Сиявуш эса остонада котганича туриб колди.
Чупон бу ажойиб ва шошилинч таклиф хакида Зарнигордан хабар топгач уз ок фотихасини берди, Сиёвушга узининг эски милтикини узатар экан - бу милтик оила тимсоли эканлигини ва бу милтик билан биргаликда йигитга оила бахти ва фаровонлигини топшираятганини айтади. Чупон йигитга караб мехрли сузлар айтади, такдир таказоси билан бошинга шунча ташвиш тушди, хиёнтага учрадинг, онангни йукотдинг, шу ерларга келиб колдинг, мени уйимга келдинг, оиламга кушиласан, бундан кейин хаммаси яхши булади деб йигитга далда беради. Сиявуш ва Зарнигор турмуш куришади ва биргаликда бахтли ва гузал хаёт кечиришни бошлашади. Она юрагини эса тоглардаги бир даштга кумиб куйишади, уша ердан ажойиб бир дарахт усиб чикади, мевалари хам жуда бошкача экан, ёш болаларни ширин мевалари билан хурсанд килар экан, катта одамлар татиб курганда бир оз нордон там келар экан. Она хаёт булган пайтлар канчалар мехрибон ва багри кенг булган булса, вафотидан кейин хам инсонларга кувонч олиб келишда давом этар экан.