Я "Добрай раніцы!" скажу
сябрам сваім і свету,
я імі моцна даражу,
са згоды Інтэрнэту.
Усім рубель бы падарыў,
а можа, нават болей, –
каб кожны светла, лёгка жыў
і не хварэў ніколі.
Цаніў бы тое, што даў Бог –
бацькоў, сяброў, работу,
дапамагчы б другому мог
з вялікаю ахвотай!
Жыццё кароткае, як стрэл,
як школьныя урокі, –
вучыся жыць у птушак, дрэў,
бо ў тым ёсць сэнс глыбокі.
Ніхто не ўспомніць пра цябе,
як шэльмай урадзіўся, –
хто толькі пад сябе грабе,
багаццем бы ўдавіўся...
А іншы – можа, і дзівак –
а да людзей – з павагай,
у кожнай хаце ён сваяк,
калі каму дзе блага:
не кіне іншага ў бядзе,
паможа справай, ці ўсмешкай, –
бо любіць свет ён і людзей,
а непрыкметны знешне...
Яго прывецяць за вярсту,
успомняць па мянушцы –
за пазітыў, за дабрату,
за кожны ўчынак людскі!
За кожны учынак
© Copyright: Михаил Курило, 2024
Свидетельство о публикации №124071302288
Свидетельство о публикации №124071302288
Рецензии