***
Ў адноснай бяспецы сябе адчуваем,
Калі ў агародзе мы бульбу капаем.
Што робіцца ў свеце, дакладна не знаем
І ў пэўнай бяспецы сябе адчуваем.
Калі й ад суседа пачуцці хаваем
І дзверы і ноччу і днём закрываем,
Тады мы ў бяспецы сябе адчуваем
І молімся мірнаму небу над краем.
З усім пагаджаемся, робім, што трэба,
І ўпотай глядзім на кавалачак неба.
Усё, што ні робіцца, быццам вітаем:
Сябе у бяспецы жыцця адчуваем.
10. 07. 2024 г.
У адноснай бяспецы сябе адчуваем...
© Copyright: Юрий Боровицкий, 2024
Свидетельство о публикации №124071002403
Свидетельство о публикации №124071002403
Рецензии