Шар-бяда расце на сэрцы,
авiвае мае думкi.
Як душу схаваць ад смерцi
ў час вар`яцкi, неразумны?
У каго прасiць мне кiпець,
каб парваць бяды грыбнiцу?
Не змагла свяцiла знiшчыць,
закаваць свет у цямнiцы.
У каго пазычыць крылы,
каб шацёр дабра накiнуць.
Збавiць дом вар`яцкай сiлы,
Замянiць яе святыняй.
Адшукаць дзе зорку ў промнях,
што адкрые зрок заблудным?
Каб убачылi Садому,
ды спалохаў дзень iх судны.
Як знайсцi шлях да крынiцы,
акрапiць свае карэннi?
Даць любовi ажывiцца
у духоўным азарэннi.
Шар-бяда
© Copyright: Мария Мучинская, 2024
Свидетельство о публикации №124070603283
Свидетельство о публикации №124070603283
Рецензии