Онанинг Юраги

Икки Форс давлати Эрон ва Ирок оралигида, тоглар ён багрида бир кичкина хуш манзара кишлок булган экан, у кишлок ахолиси бор йуги 100 кишидан иборат экан. Шундай экан у ерда яшовчи хар бир одам уз кишлокдошига нисбатан мехрли ва гамхур экан. У кишлокда бир Мариям исмли аёл яшаган экан, оиласида эркак киши оила бошлиги булмаганига карамай аёл хам ишлаб, хам уй ишларини килиб, шу билан бирга ягона угил фарзандига жуда хам кучли мехр берарди, у кишлокдаги энг фаро аёллардан бир эди. Бунга сабаб, хаётлигида унинг турмуш уртоги бу кишлокнинг бошлиги булган экан,  у вафот этганидан кейин эса аёл бу ишларни уз зиммасига олиб, бор кучини шу кишлок фаровонлиги ва ривожи учун багишлаган эди.
Аёл тогларга, дашт-адирларга бориб шифобахш гиёхлар йигиб пул топар эди, шу иш оркали узи ва угли кун курар эди, иши куплигига карамай углини парваришлаш, у билан уйнаш, сайрлар килиш ва барча машуглотларга вакт топа олар эди. Угил улгайганида онасини ишламаслиги учун харакат килди аммо онаси ишсиз утиришни ёмон курар эди, тогларга эрта тонгда чикиб кетиб кечга якин кайтиб келар экан.
Кунларнинг бирида кишлок ёнидан бир хашаматли чиройли отлар кушилган арава утиб кетди ва шахарда катта мусобака уюштирилаятганини эълон килди. Шох Дарий катта мусобака эълон килган экан, унда бутун дунёдан пахлавонлар иштирок этиб уз кучларини намоён килишлари мумкин экан, мусобака голибига эса шох уз кизини кайлик килиб бериши айтилди.
Кишлок ахолисига бу жуда кизикарли булиб куринди, улар йигилишиб Мариямнинг олдига боришди ва унинг угли Сиёвуш бу мусобакада катнашиши мумкинлигини айтишди. Сиёвуш бакуват, келишган ва жуда акилли йигит эди, кишлок ахолиси унда голиб булиш учун барча имконлар бор деган фикрда эди. Аввалига Сиёвуш бу мусобакага боришни истамади, унга онаси олдидаги тинч хаёти авзал эди, узини у даражада мохир жангчи деб хам хисобламас эди.
Купгина мухокамалардан кейин охири Сиёвуш шахарга йул олди, у мусобакада катнашиш учун уз номзодини киритди. Йигит биринчи мартта шахарга келган эди, хамма нарса уни узига мафтун этар эди, бозорлар, катта бинолар унинг эътиборини тортар эди. Нихоят мусобака бошланадиган кун хам келди, у ерда дунёнинг турли чеккаларидан жуда кучли пахлавонлар ва шахзодалар иштирок этишди. Сиёвуш жуда очик кунгил ва самимий йигит булгани сабаб унга омад кулиб бокди, у барча шартларда голиб чикди. Ваъда килингандек голибни шох саройига таклиф килишди ва сарой богида у малика билан учрашди.
Малика жуда хам чиройли ва хуш муомала эди, у йигитга назар солди ва Сиёвуш келишган ва тарбияли йигит эканлигини куриб унга булган кизикиши орта бошлади. Улар сухбатлашиб куп вакт бирга утказишди, вактни чог утказишди, кувонишди, якиндан бир-бирини таниб олишди.
Малика йигитга жиддий каради ва унинг шахсий синови борлигини айтди, тугри менга жуда ёктинг, бу мусобакада голиб чикганингдан жуда хурсандман аммо ниятинг жиддийлигини, менга булган муносабатинг чинлиги билишим учун сенга яна бир синов бермокчиман деди. Сиёвушга малика жуда ёкиб колган эди, у албатта кизнинг барча шартларини бажаришини айтди. Шунда малика ундан сурайди: айик овига чикиб, менга уни терисини олиб келоласанми, яхшиси учта айик булсин, деб шарт куяди. 
Сиёвуш мохир овчи эди, у маликани бу шартига рози булди, у тог ёнбагриларига чикиб кетди ва бир неча кунда учта айик терисини узи билан олиб келди. Йигит териларни малика оёклари остига ташлади ва у сураган нарсани олиб келганини айтди. Бу жуда куркинчли манзара эди аммо малика асло куркмади, у хурсанд булди, йигитни мактади, шартни кандай тез бажарганини айтиб кувонди.
Маликанинг иккинчи шарти биринчи шартга караганда анча кийин булиб чикди, малика айтди: “Сиёвуш, мен сенинг оиланг ва якинларинг сени канчалар кадрлаши ва танловингни макуллашини билмокчи эдим, шунинг учун мени бир талабим бор” дейди. Малика шарт куяди, Сиёвуш кавмидаги барча эркаклар келиб сарой олдида уз хурматини билдирган холда тиз чукишлари керак эди, аёллар эса сочларини калта килиб кесишлари керак эди, у сочларни Сиёвуш йигиб олиб маликага такдим этиши керак эди.
Бу шарт Сиёвушга жуда хам огир куринди, у бу вазиятни уйлаб тушкун холатга тушди, аммо унинг якинлари йигитга булган мехри ва окибатини курсатишди, уни куллаб-кувватлашди. Эрта тонгдан Сиёвуш кавмидаги барча эркаклар шох саройи олдига келиб тиз чукган холда уз хурматини билдиришди, йигит эса кавмидаги барча аёллар шу жумладан онасининг сочларини хам маликага олиб борди.
Малика савол беради: “Онангни сочлари хам шу ердами?”- дейди, йигит албатта онасининг сочлари хам шу ердалигини айтади, ахир онаси унинг энг якин инсони эди. Малика йигитга каради ва жиддий савол берди: “Онанг умрингни охиригача сенга мендан азиз булиб колса керак, тугрими?”, йигит айтадики албатта шундай булса керак, ахир у мени онам ку, мен учун дунёдаги энг азиз инсон, сени эса хали яхши танимайман. Малика тажубланди: “Курдингми кандай сан, ахир мен хам сени хали яхши билмайман. Сен сарой хаётида яшай оласанми, бунга куника оласанми, ахир саройда фитна, ёлгон ва жуда куп хавф-хатар бор. Сен бундай машаккатларга токат килоласанми, кийинчиликларга бардош бероласанми, шунга ишонч хосил килмокчиман дейди. Малика Сиёвушга жуда мураккаб шарт куяди, у саройга инсон юрагини олиб келишни буюради. Йигит бу шартга тушунмайди ва иккиланишни бошлайди, шунда малика унинг каттияти ва бардошини намоён этиши учун у кимнидир улдириш кераклигини айтади, шу улган одамни юрагини маликага келтиришни буюради. Йигит бу сузлардан хайратга тушади, “мен одам улдириб юрагини сенга олиб келсам, сен котил билан кандай килиб хаёт кечирасан?”, малика унга жавобан: “Бу хакида уйлама, буни мен уйлайман, мен учун хамма нарсага тайёрлигингни куришни хохлайман” деб жавоб беради. Йигит бу гаплардан хайратланди, тушкун холатга келди, нима килишини билмай саройдан чикиб уйга кетди. Уйга келиб кайгуда утирди, онаси унинг олдига келиб, бошидан силади ва нима сабадан бу кадар кайгуга тушиб колганини сурайди. Йигит онасига караб нолий бошлайди, нима сабабдан хаётда бунча омадсиз эканлигини, маликани севиб колгани ва у сиз хаётини тасаввур килолмаслигини айтиб жуда кийналади. Малика ундан одам улдиришни талаб килганини, одам юрагини унга олиб бориши кераклигини бу эса йигитни кулидан келмаслигини айтиб, булган хамма вокеани тушунтиради. Сиёвуш онасини оёкларига бошини куйиб, узини улдиришдан бошка иложиси йуклигини, чунки маликани каттик севиб колгани, у сиз яшай олмаслигини айтади, лекин бу шартни хеч качон килолмаслиги, бошка бир одамни улдириш кулидан келмаслигини айтади. Онаси уни тинчлантиради, хаммаси яхши булишини ва бу муаммога албатта ечим топилишини айтади, мен учун асосийси сенинг бахтинг ва сен оркали кавмимиз давом этиши мен учун энг асосий максад, деб айтади. Она углини истиробини курди, уни тушунди, албатта ягона фарзанди учун хатто жонини аямас эди.
Эрта тонгда Сиёвуш кузини очди, деразадан каради, осмонни булутлар коплаган эди, хамма жой коронгу тунга ухшар эди, аммо бу тонг эди. Бирдан кузи ердаги гиламга тушди, унда юрак бор эди ва у уриб турар эди. Йигит хатто нима булганини тушуниб етмади, уйлагани хам йук, у юракни олдида сарой томон югура бошлади. Йулда югуриб борар экан одамлар уни кетидан тош ва турпок отиб уни котил деб айблашар эди, йигит эса тушунмас эди нега у котил экан, хеч кимни улдирмади ку. Шу уйлар билан шошиб кетар экан, бирдан кокилиб йикилиб тушди, шунда кимнингдир таниш овозини эшитади: “Урнингдан тур, мен доим сен билан, узингни эхтиёт кил” – деган гапларни эшитади, йигит бу таниш овоз кимникилигини танигандек булади аммо хали хам хеч нарсани тушунмасдан юриб борар эди.
Сиёвуш саройга етиб келади, малика хузурига хали хам уриб турган юракни олиб киради. Малика куркувда хайкиришни бошлайди: “Бу онангни юраги экан, сен нима иш килганининг билдим, бундай иш килишга кандай журъат килдинг” деб хаммани вахимага солади. Бу вактда юрак уришдан тухтаб, йигитни кулида музлаб колади. Шунда йигит бу онасининг юраги эканлигини англаб етади ва узини йукотиб, нима килишини билмай тошдек котиб колади. Малика отасига йигитни хайдаб юборишни буюради, чунки уз онасини улдирган котил билан у хаёт куриши мумкин эмаслигини айтади. Шох хам нима килишни билмай йигитни хайдаб юборишга мажбур булади. Сиёвуш жуда тушкун холатда узини билмай юради ва узини улдириш учун тогларга чикиб кетади, аммо ниятини амалга оширишга кучи етмай йулда хушидан кетиб колади. Унинг устида бургутлар, бурилар ва тулкилар барчаси айланишар, ундай улжага хурсанд булишар эди. Якин орада куйларни утлатган чупон кандайдир харакатлар булятганини куриб, йигит тарафга боради, у ерда йирткичлар улжа талашиб тортишятганини куриб колади, уша тепаликга кутарилади ва у ерда одам ётганини куради, чупонни яхши ити бор эди, у итини йигит олдига бойлаб кетади, ит йигитни химоя килгунига кадар чупон кишлокга тушиб ёрдамга бошка одамларни чакириб келади. Одамлар йигитни кутариб чупон уйига олиб келишади, уни уриндикга жойлашади, йигит узини билмай уч кун ётади, уч кундан кейин узига келади ва кузини очади. Йигит урнидан туриб узини каерда эканлигини тушунолмайди, жаннатга тушдими ёки дузахдами англамай турган бир пайтда, чупон уни тинчларнтиради ва йигит хали тирик эканлигини айтади, йигитни хаётида кандай вокеалар булиб утганидан хабари борлигини айтади. Чупон уни тинчлантиради, хаётда хамма нарса булиши мумкинлигини, йигитда хеч кандай айб йуклигини айтади, унга далда бермокчи булади ва узини бошидан утган вокеасини хам айтиб беради.
Бундан анча йиллар олдин чупон угли билан бирга куйларни утлатгани тогдаги адирларга олибб чикган ва углини пода билан колдириб узи кишлокга тушиб кетган, кайтиб келиб угли билан куйларни кайтиб олиб кетиши керак булган. Аммо чупон уша жойга борганида углини топа олмаган, уни кидирган аммо хеч каердан топилмаган. Угли кандай йуколган, нима сабабдан, у билан нима булганини хеч ким билмаган, шу билан чупон угли хеч качон уйига кайтиб келмаган.
Чупон углининг ёш беваси ва икки кизи бор экан, улар хаммаси куп йиллардан буён бирга яшашар экан, чол келинни куп бора турмушга бермокчи булган, чунки ёш аёл азоб чекиб кария билан бир уйда хурсандчилик курмай утишини хохламаган эди. Аммо келин, турмушга чикишдан бошка оила куришдан бош тортар экан, бундай хаёт етти йил давом этиб келар экан.
Йигит чупон карияни гапларини диккат билан эшитди, кейин иккиси хам хар хил хаёллар билан узок вакт индамай уйланиб утириб колишди. Йигитни хаёллари чалкашди, бугзига нимадир тикилгандек булди, урнидан туриб ташкарига чикди ва кучада чупонни келинига кузи тушади.
У кизни куриши билан юрагида мехр уйгонди ва уни умуман узгача мухаббат билан севиб колганини хис килди, юрагида бор барча мехрни шу аёлга бериб, уни кузида кувонч куришни истади. Сиёвуш кизни олдига борди ва унга турмуш куришни таклиф килди, уни бахтли килишини фарзандларига эса оталик килиб, колган хаётларини кувонч ва шодликда утказишлари учун кулидан келган хаммасини килишини айтади. Келин йигитга карайди, бир оз сукут саклаб бундай карорларни кайнотаси кабул килишини айтади.
Чупон индамай уйга кириб кетади ва бир оздан сунга кулида милтик билан чикади, атрофдагилар чол милтик билан нима килишини билмай куркувда караб туришади аммо кария милтикни Сиёвушга узатади ва бу никохга розилигини билдирган холда бу милтик оила тимсоли эканлигини ва бу милтик билан биргаликда йигитга оила бахти ва фаровонлигини топшираятганини айтади. Чупон йигитга караб мехрли сузлар айтади, такдир таказоси билан бошинга шунча ташвиш тушди, хиёнтага учрадинг, онангни йукотдинг, шу ерларга келиб колдинг, мени уйимга келдинг, оиламга кушиласан, бундан кейин хаммаси яхши булади деб йигитга далда беради. Она юрагини эса тоглардаги бир даштга кумиб куйишади, уша ердан ажойиб бир дарахт усиб чикади, мевалари хам жуда бошкача экан, ёш болалар у мевалардан есалар мазаси ширин экан, катта одамлар еганида эса нордон там келар экан. Она хаёт булган пайтлар канчалар мехрибон ва багри кенг булган булса, вафотидан кейин хам инсонларга кувонч олиб келишда давом этар экан.