Вучиз хьанай вун зал дуьшуьш,
На авуна зун вав вердиш,
Рик1е ашкъид ялав туна,
Зун к1анид яз кьуна вуна.
Килигзава къе яргъарай,
Аквазва заз вун ахварай,
Тежез хьайла чун чаз кьисмет,
Ваясуз тир кьинер хелвет.
Рик1 ишезва-вилер хъуьрез,
Вуч себеб я агат тежез,
Яр ят1а вун - ша зи патав,
Ваз муг ава рик1ин къвалав.
Цавай гъетер гъиз жедач ваз,
Девлетарни гуз жедач ваз,
К1анивал я рик1евайди,
Са вун я зи рик1евайди.
28.06.2024.
К1анивал я рик1евайди...
© Copyright: Нажмудин Шихнабиев 2, 2024
Свидетельство о публикации №124062804653
Свидетельство о публикации №124062804653
Рецензии
