З мовы рэп

         
                Раніца, раніца, раніца зімняя.
                Мне б адагрэць цябе, хатка радзімая.
                Раніца, раніца, раніца зімняя.
                Стынуць за вёскай ўсходы азімыя.

Раніца зімняя . Трэба ўставаці.
Цёпленькі ложачык свой пакідаці.
Я адзяваюся спрытна  і лоўка-
Трое кальсонаў , а зверху ватоўка.
  Так,так спрытна і лоўка, знізу кальсоны, зверху ватоўка .
Ногі ў валёнкі імгненна ўстаўляю,
Вечны агонь ля пліты здабываю.
Котка вуркоча і носік свой грэе.
Сівер, як сыч, на світанку сыцее.
  Так, так, котачка грэе, сівер, як сыч, на світанку сыцее.
             
Трэсачкі домікам, дроўцы ў печку.
Можна падумаць аб добрым і вечным.
А на патэльні з  савецкае  сталі
Яйцы курыныя млеюць у сале.
  Так, так савецкае сталі, яйцы ў сале, савецкае сталі.
Люты мароз за вакном вар'яцее
Толькі мая маладзее надзея-
Холаду гэтаму быць не бясконца,
Выйдзе над хатаю яснае сонца.
Так! так! Чакаем бясконца, яснае сонца, вясновае сонца!

Раніца, раніца, раніца зімняя.
Перазімуем і мы, і азімыя!