Заз к1анда вун, авач са себеб,
Заз к1анда вун,авач са метлеб,
Белки анжах вун авайвиляй,
К1анда вун, рик1е авайвиляй.
Бес хьана заз вун килигун заз,
Багъишай экуьн ярарин наз.
Ви гъил галукьначирт1а эгер,
Зи дамаррай фидачир верер.
Вуна гъана будала гатфар,
Регьятдай чандиз чими марфар,
Рик1е гьатнай тийижир гафар,
Гафар хьана шиирдин ц1арар.
К1анда вун и югъ багъишай заз,
Гьиссерив ац1ай нефес ч1угваз,
Ракъинин нурни дак1ардай атай,
К1анда заз вун-бахт галаз атай.
Какахьна гьиссер, хьанва дили,
Ц1ай куьк1уьнна кузва зун вири,
Ашкъи кутур зак - к1анда заз вун,
Са карни авачиз, к1анда заз вун.
21.06.2024.
Урус ч1алай са касдин шиирдин перевод.
К1анда вун
© Copyright: Нажмудин Шихнабиев 2, 2024
Свидетельство о публикации №124062201748
Свидетельство о публикации №124062201748
Рецензии