***
Летняя смуга, прарочы ветрык.
Навальніца будзе, будзе дождж.
Будзе дзён нямыя кіламетры
На адрэзкі рэзаць часу нож.
Будуць дні турботныя і думы,
Бестурботны і глыбокі сон.
І душы разладжаныя струны
Будуць блямкаць невясёлы звон.
Закульгае рыфма: думы - струны.
Хтосьці скажа, хтосьці прамаўчыць,
Бо няма заўсёднае фартуны,
Каб сябе бяспройгрышным лічыць.
Дый на гэта знойдзецца зайздроснік,
Што захоча пераняць "смугу".
Навальніца будзе, будзе дожджык,
Будуць вершы, як пісаць змагу.
17. 06. 2024 г.
Летняя смуга, прарочы ветрык...
© Copyright: Юрий Боровицкий, 2024
Свидетельство о публикации №124061703149
Свидетельство о публикации №124061703149
Рецензии