***
Летняя золь. І дажджы над краінай.
Ціхая, сумная музыка дня.
Дзесьці далёка, дзе явар з калінай,
Зрэдку мяне ўспамінае радня.
Цёплая золь. Прываротнае зелле
Не, не прывабіць любоў да мяне.
Нібы з чужога вяселля пахмелле,
Хмарная золь у маёй старане.
Тут і паіць мне паэзію сокам
Купкі бяроз, што растуць на гары.
Золь і дажджы. І уздыхам глыбокім
З музыкай дня пра жыццё гавары...
14. 06. 2024 г.
Летняя золь. I дажджы над краiнай...
© Copyright: Юрий Боровицкий, 2024
Свидетельство о публикации №124061403011
Свидетельство о публикации №124061403011
Рецензии