Щхьэзыф1эф1 джэгуак1уэхэр - ауан

Щхьэзыф1эф1хэм я зэхуэсыр,               
Ягъэвууэ зэрызохьэ.
Я убзэгъухэр къабгъурысу,
Я бзэгухьхэм щхъуэ зэрахьэ.
Блэгущ1эт гупщи, загъэщ1агъуэ,
Я удыгъэр  къагъэ1эгъуэ.
Сэлам ехри, я Щхьэлтетыр,
"К1уит1э-бзит1эу", сценэм  тохьэ.

И нэтыныр «еджагъэшхуэм»
Зэриухыу, Бажэр къохьэ.
Зэхибжык1ыу 1эпхъуамбэшхуэр,
Хьилэм щхьэщо1ук1 макъышхуэ.
Щхьэлтет щхъуэжьым, а макъамэр
Ф1эф1щи,  ищ1къым зы гукъанэ.
"Унэ1утхэм" я нэр къихуу,
1эгу хутоуэ, гур дэпсэхуу.

…И нэтыныр ирешажьэ,
Хабзэхъумэм, къосри и гъуэ.   
Пэжыр ф1эф1къым хьилэ Бажэм,
Игу техуэни химылъагъуэ.
Кхъуэ-щхьэлтетыр къоплъ ней-нейуэ,
1эгу ху*еуэни имыгугъэ.
Зезыхьахэм фо, я напщ1эр
Худрашей, дыгъуащи  щащ1эу.

Загъэтхъэжу к1уащ илъэсри,
Дыгъужь шхэк1эр щ1ахъумэжыр.
Загъэтынш, зым имыщ1ысу,
Лъэпкъ л1ыхъужьхэр ха1убэжу.
Я удыгъэр япэ иту,
Шхак1уэжь гупыр зэщ1огъуагъуэ:
«Фо зехьэк1эр ф1ыуэ дощ1э!
Хьэмтетыгъуэм иугъащ1э!».

Зэхуэс нэпц1ыр зэхуащ1ыжри,
Я удыгъэм падзэжащ.
Дыгъужь гупыр арэзыхэщ,
Щхьэзыф1эф1хэу ежьэжащ...

               


08.06.2024гъ
@Гъуэщокъуэ Мадинэ