***
Спачатку было Слова...
Евангелле паводле Яна
Не пішуцца вершы, працуецца ў садзе,
Жывецца з дажджамі і без
І сніцца пры летнім начным зарападзе
Вясны адцвітаючы бэз.
Вясны адцвітаючы бэз зіхаціцца -
Карычневы шкліцца, блішчыць.
І хочацца сэрцу пра нешта забыцца
І толькі прыемнае сніць.
Жывецца з дажджамі і без -
нейк жывецца,
Працуецца ў садзе, складаецца верш.
І сэрца пяе, калі верш удаецца,
Бо слова спачатку, найперш.
05. 06. 2024 г.
Не пiшуцца вершы, працуецца у садзе...
© Copyright: Юрий Боровицкий, 2024
Свидетельство о публикации №124060502859
Свидетельство о публикации №124060502859
Рецензии