Кёзбау эте билмедим ёмюрюмде.
Ким да болсун, айтыучума адамгъа,
Жашырмайын болгъанны жюрегимде,
Сюймесем да аны жанын къыйнаргъа.
Жокъду дейме бети эки бетлини:
Жойкъулланып,махтау сёзлени айтыр,
Ызынгдан а сёзюнгю этип сени,
Алайлыкъ бла башына гюнах алыр.
Сен адамны алдасанг да бир кюнде,
Ниетинг а Аллахха болур туура.
Жамауатда деберинг - хар сёзюнгде,
Керти сёз а бир ат багъасы тура.
Керти сёз
© Copyright: Аминат Рахаева, 2024
Свидетельство о публикации №124060406303
Свидетельство о публикации №124060406303
Рецензии