Я чан Аллагь! Гъам-хажалат дагъ хьана
Акурлахъди гуьгьуьлар начагъ хьана.
Бат1уларун чарадан мал регьят я-
Вири ава, авачирди несят я.
Хийир тушиз вигьиз хьайт1а лекеяр,
Ац1уда фад к1ула авай гьепкеяр.
Гьикьван абур чи тарихда пар хьурай,
Йисавай-суз шумудра тикрар хьурай.
Са гъалат1ди, к1вачихъ галай еб хьтин,
Кьулухъ гъида кьадамар, метлеб хьтин.
Ийидай кар хабар т1акьун гьакь яни?
Я тахьайт1а цава авай лекь яни?
Лекь ацукьдач мазаратрин кеменда,
Я кьил твадач гъуьлягъ авай т1еквенда.
Гьикьван къвазин Шарвилидиз минетиз,
Гьажи Давуд мус къведат1а, гуьзетиз.
Нин иви я авайди бес чи танда?
Чиз хьайила, экъеч1а фад майдандал!
Акъваз мадни, минет мийир Цуьквераз,
Авай гьалдиз килиг жуван вилерай.
Шарвили чун вири я - чи къуват я,
Шарвили, ам чаз ганавай къамат я.
Жув маса гур ламар хьайла арада,
Усалдаказ мадни чи халкь аквада.
Ашукь Саид 3
© Copyright: Магомед Мирзоев Мирзой, 2024
Свидетельство о публикации №124060401397
Свидетельство о публикации №124060401397
Рецензии