Настрой натхнёны, паэтычны,
Прымусіць скласці новы верш.
Ён цудадзейны, рамантычны,
Падкажа, як зрабіць найлепш.
Настрой бадзёры, бесклапотны,
Ты – рэдкі, летуценны госць.
Вястун вясенні, бестурботны,
Прагоніш боль, тугу ды млосць.
Настрой гарэзлівы, дзівосны,
Ты жыццярадасны скакун.
Цяплом зямным абудзіш вёсны
Ды хмар нагоніш шмат – табун.
Настрой лагодны, добры, лёгкі,
Даруеш новых вершаў строй,
Што нараджаюцца з палёгкай
Паэзіяй – маёй сястрой.
Настрой да працы, урачысты,
Мне новай сілы надаеш.
Прад аркушам паперы чыстай
Ты за сабой мяне вядзеш.
Настрой
© Copyright: Татьяна Цыркунова, 2024
Свидетельство о публикации №124060401314
Свидетельство о публикации №124060401314
Рецензии