Абгураза гьаму уьмриъ
Халват йишв,
Уьргъну аза вари
Ватан вуйибси.
ЮкIв пашманди гъягъюрайиз
Швнуд сад йис,
ТIягънар, женгар адар
КкудукIруганси.
Сабдиан саб
УдучIвури айиси,
ТIягънин кьяляхъ
Ккергъну дюн` яйиъ
Дявйир…
Гьяйиф, бицIи вахтнан
Ихь махъвариъси,
Харжибдиин ужуб
Шуладар гъалиб .
Жил бисуз ккунидари
Сад хилариъ,
Гьюкуматар, халкьар
Гьяспикк ккаърамдар.
Гьаз ебхьурдар
Гьарай – суза бицIирин,
ПIакьар ерхьруган
ГукIнира шулайи…
Гьаз ерхьурдар
Ишларин сес
Бабарин,
Балин шиклиз лигури,
Ишурайи?
Инсандиз, саб уьмур
Жил` ин тувнайи
БарбатI гьаз
АпIури а дявикрари?
Гьаз ебхьурдар гьарай - суза?
© Copyright: Шюшеханум Керимова 2, 2024
Свидетельство о публикации №124052906590
Свидетельство о публикации №124052906590
Рецензии