ЮкIв дябхъру йишв узуз бихъури адар…
А тIирхури са – сабди тIагъру йигъар,
УнчIвхъан рякърудар вуйиз гьарар гъяцIли.
ЮкIв дябхъру йишв узуз бихъури адар,
- Билет гъадабгъузавуз?,- гьерхра бали…
Жара йишваъра фу – вуш гьубкIурдарзуз,
ЮкIв кабсру йишв узуз бихъуйкIан наан?
КIан – кIул адру рякъярра датIну шулзуз,
Лицурухъа Ватан вуйибси фукьан?
ЮкIв пай дубхьну айиси швнуб саб пайназ,
Гьарсаб мурччвну шулза чахьна зигури.
Узузра аьгъдарзуз мици шулуш гьаз,
Аза Ватандин рякъярра аркIури.
Вушра, шулза рази дустар рякъруган,
-Фила гъюрва?,- кIури узхьан гьерхруган,
Багъри Табасаран багахь хьайиган,
Ужудар дигиш` валар душваъ шлуган…
ЮкIв дябхъру йишв адар узуз бихъури
© Copyright: Шюшеханум Керимова 2, 2024
Свидетельство о публикации №124052906512
Свидетельство о публикации №124052906512
Рецензии