Тост 7

     7

"Гурарарни гъилеваз
Фидайла зун к1амарив,
Кьулухъай са итимди
Ахгакьарна, чамариз.

Килигайт1а Али тир,
Куьмек ийиз атайди.
"Сагърай вичин хзанар,
Ван хьана зи гьарайдин!"

Са кьадарниз фейила,
Акъваз хьана галатна.
Кьулухъай са машиндин,
Яргъай хьиз, сес акъатна.

Шад хьана ам акурлай,
Багьажникни кьилеллай.
Агъур хьайи гурарар,
Яргъидаказ чилеллай.

Са сят хьана гуьзетиз,
Мад са аламат хьана:
Чархар вилик фейила,
Машин кьулухъ кат хьана.

Им вуч лагьай кар ят1а,
Чаз лап инт1ерес хьана:
Са фурмадин машиндай,
Чил чухвадай сес хьена.

Килигайт1а кьве к1вачни,
Чиле туна фагъирди
Машин кьулухъ ялзавай.
Атун вуч ви фикирдиз!

Са кьадар ин аламат
Акурлай чун ргазвай.
"Газ хкудур, ламра хва!"
Гьарайиз, чун рахазвай.

"Чидачирни а угъраш,
К1вачерик квай ц1имил я.
Чидач жаза гудайди,
Садал хьайт1а пехил яз.

Кьегьялвал тийижирди,
Кьула жеда ламарин.
Дамах алай кар тежез,
Репер вигьиз таяри.

Ви тустунин эхир къвеч,
Келлени зи пад хьана.
Истиканда, ял фена,
Амайди са яд хьана.

Зат1ни амач, суфрани
Къахкъуднавай виликай.
Катна вири галайбур,
Хъуьрерзавай к1аникай.

Тараз акьах тавунмаз
Хьана завай гьараюн:
"Мус эхвич1да, я гьайван,
А к1ерецдин тарай вун?

Таран патаг тефена
Икьвадар вахт акъатна.
Эгер тараз фейит1а,
Эхвич1да бажагьатда".

Къарагъна зун, эхкъеч1на,
Хъвайидини яд хьана.
Ихьтин къунши хьайила,
Къуншидин кьил пад хьана.

Тадиз акьах тараз вун,
Гурарни ви руг хьурай.
К1ерецар нез ацукьа,
Ваз гьа тара муг хьурай.

Зун хъфида Къурбанан
Ц1ийи сусан хинк1алдал.
Белки эрекь гайит1а,
Акурлай зун и гьалда.

Лагьана за ял гана
Къурбанан рак гатана,
Вишелайни пара тир
Къари къецел атана.

Къариди вич Къурбанан,
Ц1ийи свас я лагьана,
Шаталти мез сивевай
Туьтуьхда зи ак1ана.

Гьа ик1 са гуж баладив
Ахкъатна зун, ярх хьана.
Гъил къачу чан стхаяр,
Мад вуч ийин, мах хьана!