Лап са куьрпе аялдиз ухшар авай,
Акурлахъди, рик1из бегьем т1ар хьана.
Нуьгь девирдин, агъзурар яшар авай
Ц1велера мад къайгъусуз шагьвар хьана.
Сада кьванни ви гаф кьулухъ авурлай,
Ийидай туш мад язухар чарада.
Гьарда вичиз к1ани патахъ ч1угурлай,
Аткидачни чун тарихдин кьарада.
Куьрпе к1ел хьиз, за вун хуруз къачуда.
Хата тахьуй, лугьузва за ялвариз.
К1анидаз хьиз милайимдиз лугьуда,
Гьар са ч1авуз рик1ин гафар тикрариз:
-Багьа я вун дидедин верц1и нек хьиз,
Ац1урзавай зун илгьамдин нефесдив.
Вине кьада ви къамат за, Фелек хьиз,
Лувараллаз зи дагъларин гьевесдин.
Ч1ал багьа я
© Copyright: Магомед Мирзоев Мирзой, 2024
Свидетельство о публикации №124051805243
Свидетельство о публикации №124051805243
Рецензии