Ч1ал я ширин

Эй, зи намус! Вун гьинава?
Заз са къариб кар акуна-
Живед кьула, къайи гатаз,
Цуьквер алай тар акуна!

Ширин-ширин рахадайла,
Чарадан накъвар акуна*.
И кардикай эсер хьайи,
Заз ч1алан гатфар акуна!

Шукур Аллагь! Гайибур я!
Заз ч1алакай дад атана.
Чун дагълара хайибур я-
Баядар абад атана.

Намус-гьуьрмет багьа зат1 я-
Заз гайи гьалал я ширин.
Чарадаз ик1 к1ан хьайила,
Мадни заз зи ч1ал я ширин!

* Пара вахтара, чара халкьарин               
 арада кьиле фейи мярекатрал,               
 завай жуван ч1алални са шиир               
 к1елун т1алабда.               
 Са сеферда, мадни са шаиратдин
 мярекатдал за к1елдай вахтунда,
 ктабханада ацукьнавай са кьвези               
 дишегьлидин вилерал нурар гуз               
 накъвар атана. Чи дуьшуьш куьтягь
 хьайидалай кьулухъди, ам зи патав
 атана хабар кьуна:               
 -Имай гьи ч1ал я?               
 -Лезги,- жаваб гана за.               
 Ахпа ада ихьтин гафар лагьана:               
 -Стха, вун бахтлу кас я!
 Квехъ ихьтин девлетлу,               
 гуьрчек ч1ал ава!
 Имай Аллагьди квез ганвай савкьат я!               
 И ч1ал хуьн куь буржи я!               
 И кас ч1аларин алим я, лагьана за
 фикирна. Амма и дишегьли биологиядин
 малим тир. Ин кьвези дишегьлиди               
 лагьай гафар заз пара хуш атана.               
 Чарадан сивяй ихьтин гафар хьейи,               
 бес жуван ч1алаз мадни гьуьрмет
 ийидачни!