Вишни яхцlурни цlувад йисар,
Алатна фена уьмуьрд яшар.
Четинбур тир аял вахтар,
Чи халкьдин даях,Сулейман.
Аллагьд патай са пай гайи,
Уьмуьрдин рехъ четин хьайи.
Гомер лагьай тlварни чlехи,
Чи халкьдин дамах,Сулейман.
Лезгидиз ви чlал я ширин,
Вун амачир югъ чаз серин.
Акьул,фикир тир ви дерин,
Чи халкьдин пайдах,Сулейман.
Сулейман я чlехи шаир,
Авай вичихъ дерин фикир.
Алайди тир мецел зикир,
Чи халкьдин яйлах,Сулейман.
Зи бубани вун тир дустар,
Авазвай квез чlехи къастар.
Амачиз куьн хьанва йисар,
Чи халкь авур уях,Сулейман.
Сулейманаз
© Copyright: Марьям Алискерова, 2024
Свидетельство о публикации №124051606029
Свидетельство о публикации №124051606029
Рецензии