3
"Хъфидайла тади яз,
Са къужади эверна.
Вичин рик1ин дердияр
Ахъайиз заз, сирерна.
Къари кьена са йис я-
Паб тахьайла к1вал жедач.
Сусахъ а кас къекъвезва-
Свас т1ак1ан кьегьал жедач.
Хуьряй адаг жагъанач-
Гьазур хьанва патал физ:
Ана ава лугьузвай,
Жегьил са паб, марал хьиз.
Ша чун кьведни аладда,
Тадидаказ сусаниз.
Рекье ава мирес зи,
Агъадаллай Квасани.
За вун чам я лугьуда,
Къалум т1имил авурай.
Ихьтин жегьил гададвай
К1усни къачун тавурай".
-Кими яни, я гьайван?
Сифте жуван кар ая.
Ахпа квахь жегьенемдиз,
Абурун кьил т1ар ая.
Гьикьван къвазда,истикан
Гъиле кьуна, язух хьуй.
Куьтягьа фад ви тостни,
Зи келлени ачух хьуй.
Ван хьайи хьиз, лагьана;
"Ахпа къведа,вахт авач!"
Ахпа лагьай гафунихъ
Са ч1авузни бахт авач.
Тост 3
© Copyright: Магомед Мирзоев Мирзой, 2024
Свидетельство о публикации №124051603025
Свидетельство о публикации №124051603025
Рецензии