Тост 2

       2

-"Гьик1 ят1ани к1амарив
Фейила ин кар хьана-
Аватзавай к1ерецар
Цаварай, лап хар хьана.

К1усар хьана чк1извай,
Элягьайла къванерал.
Кьуд патара авайди,
Къаргъайрин тир эверар.

К1унт1ал, цавун пад кьуна,
Лап са еке тар алай,
Хилерални алац1на
К1ерецар санбар алай.

Фикирна за "ик1 жедач!"
Зазни к1ерец к1ан хьана.
Сагъламвилин дарман я,
Лугьудай заз ван хьана.

Таран к1аник атана,
Кьуд патариз килигна,
Тан кьуна за гъилерив,
Къужахда кьаз, гекъигна.

Икьван яц1у тандикай
Винелди бес гьик1 фида?
Са гурарар хьанайт1а,
Архайиндиз, ик1 фидай:

Таран патав мукьувна,
Хъсандаказ гекъигдай,
Сифте яц1у хилел ам
Ястудаказ эцигдай.

Т1арамвилиз килигдай,
К1вач эцигиз к1арарал.
Мукъаятвал хъсан я:
Рик1 жедачир цацарал.

Гьа и к1валах себеб яз,
К1вализ за фад чк1урна."
Фикирна за, "я стха,
Гила на мах тк1уьрна!

Куьз герек я грарар,
Тади ая, къван къачу.
Минет я ваз, къагъ амай,
Хъсандиз лишан къачу.

Гьа сад кьванни хъвадай за,
Ахпана вач гурар гъиз.
Са жизви на фикир цей
Зи чандавай азардиз".

Сив ахъайна, чапак хьиз,
Истикан зи гъилевай.
Хабар тушир т1алдикай
Сефераз зи кьилевай.

Машинд вилик, гьаятдин
Ни к1евирда рак1арар?
Гьа гила мад куьтягь хьун,
Умуд авай хабарар.

Адет кар я тост лугьун:
Галачиз хъун зегьер я.
Хътуьлдаказ фин патал,
Тост гьамиша иер я.