1
Гьик1 ят1ани садра зун,
Хтайлахъди базардай
Къатканавай, леш хьтин:
Рекьи янвай, ухшардай.
Са арадлай, къуншидин,
Эверна заз аялди.
Кьил хураваз эвич1на
Гурарай зун, са гьалди.
-Заз чида ви азардин
Дармандин т1вар вуч ят1а!
Ша ацукьа суфрадихъ,
Ваз гьакьвадар гуж ят1а!-
Лагьана ик1 къуншиди,
Ацукьнавай иердиз.
Эцигнавай суфрадал,
Дарман лугьур, "зегьерни".
Къуншидин гьал акурлай,
Фенач адан рик1икай:
Лебе-леб хьиз ац1урна,
Вугана зав истикан.
Тост галачир кар тахьуй,
Гаф лугьузва Сефера.
"Валлагь!", лугьуз эгеч1на,
Ийиз кьинер, агьтерар.
К1ерец къалуз гъилевай,
Башламишна секиндиз
Ахъай ийиз хьайивал,
Вахтни гьеле нисин тир.
Тост
© Copyright: Магомед Мирзоев Мирзой, 2024
Свидетельство о публикации №124051502365
Свидетельство о публикации №124051502365
Рецензии