3
Килигзава, гъамлу яз,
Муьтквар таран кук1вариз-
Белки язух атайт1а
Цаваравай гъуцариз.
Садлагьана акурлай
Еке са муг винелай,
Ст1ал-ст1ал авахьна
Накъвар адан вилелай.
Мукъаятвал квахьна,
Бамишзавай ишелди,
Тапасривди тар кьуна
Фена амай винелди.
Гьахьна гегьенш муканиз,
Суст хьана ам кьейид хьиз:
Фагъир гьайван аквадай
Уьмуьрди лап кайид хьиз.
Гатфарихъди эхвич1на
Муканай ам, леш хьтин,
Чилелайни тухузвай
Гарулани пеш хьтин.
Виридалай дуьняда
Акьул тахьун залан я.
Т1имил кьванни хьайит1а,
Амайни са дарман я.
Темпел сев 3
© Copyright: Магомед Мирзоев Мирзой, 2024
Свидетельство о публикации №124051203013
Свидетельство о публикации №124051203013
Рецензии