Сормай келесе тюшлериме,
Тансыкълыкъны алалмай сенден,
Мудахлыкъ сала кюнлериме,
Туралмайма мен къарап кенгден.
Башханы сакълайса бюгюн сен,
Сакълап тургъанча алгъын мени.
Жаша, жаным, болуп тур эсе,
Алгъыш эте чыкъдым кечени.
Кюнлерим ётедиле сенсиз,
Сайлагъанса башханы менден.
Сени сюе эдим мен кемсиз,
Кеталмай турама элингден.
Да нек сурайса тургъанымы,
Сюймей эсе жюрегинг мени?
Нек къыйнайса мени жанымы?
Кёралмайма энди элинги.
Бейтугъанланы Исмаил
Тюшюмде да сен
© Copyright: Исмаил Бейтуганов, 2024
Свидетельство о публикации №124051002974
Свидетельство о публикации №124051002974
Рецензии