САНГА БАРАМА
Къууанып барама элинге,
Сени биргенге мен ашырып.
Махтау, ыспас бу тау жеринге,
Келеме мен бери жашырын.
Ариулугъунг тазады алай,
Нюрле алып туугъан жерингден.
Къайда болсанг да, чакъыргъанлай,
Жетерикме жер этегинден.
Ананг ариу кёз бла къарасын, –
Санга аман болмам бир кюнде.
Атанг къайгъы этмей жашасын,
Жара салмам мен жюрегинге.
Келин болуп кел, Чегемиме,
Мында тюберле эллилерим.
Огъур аякъ бла кир жериме,
Той этерле жарыкъ тенглерим.
Бейтугъанланы Исмаил
Санга барама
© Copyright: Исмаил Бейтуганов, 2024
Свидетельство о публикации №124051002739
Свидетельство о публикации №124051002739
Рецензии