***
Алай болуп алдан келген жазала,
Файгъамбарла кетгендиле тазалай,
Кюрешгенле кёп ушаргъа алагъа,
Алай кимле ушарла фагъамбаргъа?!
Этген иши кирсиз болгъан аздан-аз,
Ётюрюкге, алдаулагъа кёпле баз.
Кюрешгенни тунчукъдуруп баргъанда,
Не сакъларгъа болур миллетни анда?
Даражала тюше да, кётюрюле,
Бири – бёрю, бирлери уа – тюлкюле.
Жашау эте келебиз биз бу жерде,
Бирлерибиз – къоркъакъла, бирле – эрле.
Жулдузлагъа, айгъа да жетерикле,
Не хайыр этебиз биз – кетерикле?
Не къошабыз ата-баба сырына,
Ёмюрлени ала къойгъан жырына?
Бейтугъанланы Исмаил
Алай болуп алдан келген жазала...
© Copyright: Исмаил Бейтуганов, 2024
Свидетельство о публикации №124051002700
Свидетельство о публикации №124051002700
Рецензии