***
Жаяу чыкъдым бюгюн жолгъа,
Дау эте сейир жашаугъа,
Ызла къоя терен къарда.
Сюелеме жууукъ жарда.
Барыргъа итиндим алгъа…
Къарайма мен жаугъан къаргъа,
Бир жан да жокъ орамлада.
Къырпакъ тюшген орманлада.
Барама жол бла акъырын,
Хорлар болсам жан такъырын,
Иги эди, жашау – алдау,
Салады ол жюзлеп къадау.
Алай тюзню къорууларыкъ
Чыгъар, аны ариуларыкъ.
Ийнанмасакъ, болмаз жашау,
Жангы жолла болмаз башлау.
Ах, акъылсыз башым мени!
Сурамам десем да сени,
Ненча зат келди эсиме?
Тынчлыкъ тапмайма кесиме.
Бейтугъанланы Исмаил
Жаяу чыкъдым бюгюн жолгъа...
© Copyright: Исмаил Бейтуганов, 2024
Свидетельство о публикации №124051002679
Свидетельство о публикации №124051002679
Рецензии