***
Кечиучюдю, дейдиле, Аллах,
Ол сынаугъа береди палах.
Халаллыгъы кимни да жакълар,
Эки дунияда да сакълар.
Иги иши не кёп адамны!
Къууандыра турур къарамны.
Тилеклери да болур ариу,
Жарлы жаннга берирча къарыу.
Жашау алай турады барып,
Миллет игилеге ышанып.
Чарсха кетгеннге да бар багъа –
Налат берген, салыннган жыргъа.
Унутулса кенгнге кетгенинг,
Неге болур жашау этгенинг?
Неге керек санга эслилик,
Жюрегингде жокъда тирилик?
Къартха чыкъгъан, жашлау кетген да бар,
Букъгъанны да жазыу кеси табар.
Айтыр кибик тюйюл киши да дау,
Алай барып турады бу жашау.
Бейтугъанланы Исмаил
Кечиучюдю, дейдиле, Аллах...
© Copyright: Исмаил Бейтуганов, 2024
Свидетельство о публикации №124051002670
Свидетельство о публикации №124051002670
Рецензии