Хьана кьван, хьанач кьван са кесиб гада.
Идан са кьадар яшар хьанвай,
сусар гъидай вахтунилайни алатнавай.
Вичин зайифвилиз, кесибвилиз килигна
адав санайни свас гакьазвачир.
Яргъал хуьреризни физ, суракь ийиз хьанай.
Къекъвер кьадар абурун лап зегьле фенвай.
Эхир са хуьряй, идан диде-бубадив са етим
руш гакьуна. Мехъерарни авуна, свасни
к1вализ къгъана.
Жегьил гада и юкъуз сеймиш ийидай касни хьанач.
Вири, чпиз нез-хъваз, кьуьлер ийиз авай.
Гададикай садазни хабар амачир.
Кешилав, гьялдай фена, руфуни гугрум ванер ийиз,
регъуьла сусан мукьувни кьазвачир.
Ам атана, айвандал хабарар ийизвай итимрин
патав ацукьна.
Ч1ехи буба идаз мягьтел яз килигна, ахпа хъел
кваз хабар кьуна:
-Яда, вун сусан патав тахьана
инал вуч азер аваз алайди я?
Кешилав рекьизвай гадади жаваб гана:
-Сусан патав аш ни т1уьнат1а, гьамай фирай.
Аш т1уьрди фирай
© Copyright: Магомед Мирзоев Мирзой, 2024
Свидетельство о публикации №124050707032
Свидетельство о публикации №124050707032
Рецензии