***
Халодны вечар. Красавік
Умыўся зноў дажджом са снегам
І да акна майго прынік
Сваім бясконца шэрым небам.
Прынік і я, сяджу, маўчу,
Гляджу на сад мой звечарэлы.
І чым я вішні адплачу
За ўбор яе чароўны белы?
Прынік да вокнаў красавік
І прынікае ціхі вечар.
І я прыціх, і я прынік,
І не гайдае вішню вецер.
Чым я той вішні адплачу
За ўбор яе вясельны строгі?
І словы нейкія шапчу
Ёй пра сумесныя дарогі...
22. 04. 2024 г.
Халодны вечар. Красавiк...
© Copyright: Юрий Боровицкий, 2024
Свидетельство о публикации №124042206869
Свидетельство о публикации №124042206869
Рецензии