Цъаех арвыл ,хуры фаелмаен тынты
Дыууае раесугъд цъиуы таехынц.
Сае атахт дымгаейы уылаенты
Уаездан ирон кафтау зыны.
Саехи куы алырдаем фаекаенынц,
Куы та- каераедзимае хаестаег,
Куы та сае базыртаей ныдзаевынц,
Гъе афтае дугъ каенынц хъаелдзаег.
Сае бынмае заехх цъаех- цъаехид дары,
Чындзытау баелаестае лаеууынц-
Заелдагаей урс-урсид сае дараес,
Аемае аеркув- аеркув каенынц.
Цъаех арвыл ,уалдзаеджы раевдыды
Дыууае раесугъд цъиуы таехынц.
Сае хъаелдзагдзинад ,мае сае цинтае
Уаеларваей гас заеххмае каелынц.
Аез та бынаей каесын сае фаедыл-
Цыма сты уалдзаеджы заедтае.
Маен маргъау хаттаей- хатт фаефаенды
Ыстаехын базыртыл хаердмае.
Цъаех арвыл
© Copyright: Татьяна Плити, 2024
Свидетельство о публикации №124041204855
Свидетельство о публикации №124041204855
Рецензии
