Юнацтва – гарэзная радасць,
Кароткая, нібы смяшок.
Гадамі працягнецца старасць –
Хвароб ды бяссілля мяшок.
Юнацтва – дзівосная песня,
Як звонкагалосы жаўрук.
Знянацку ў думцы ўваскрэсне,
Як дотык тваіх цёплых рук.
Юнацтва – пякучай маланкай,
Бліскучаю явішся мне.
Чароўнаю неспадзяванкай,
Такою прыходзіш у сне.
Юнацтва – пяшчотная птаха,
Прывідная сіняя даль.
Раптоўна ўзнімецца гмахам,
То крохкае, нібы крышталь.
Юнацтва – пара залатая,
На жаль пралятае, як міг.
Ды часам к сабе нас вяртае
Старонкай прачытаных кніг.
Юнацтва
© Copyright: Татьяна Цыркунова, 2024
Свидетельство о публикации №124040701773
Свидетельство о публикации №124040701773
Рецензии