Вясны тваёй жаночы дзень
Глядзеў у вочы мне з даверам.
Я так сустрэць яго хацеў,
Сваім пачуццям шчыра верыў.
З вясною ты прыйшла ў мой дом
І засталася назаўсёды.
Жыццё -- ліцвінскай кнігі том.
Ён і цяпер не выйшаў з моды.
Бо той, хто з вераю тварыў --
Не здрадзіў музыцы кахання.
Вясна -- штуршок, палёт, парыў,
Што грае з вечара да рання.
Я ў весняй квецені начэй
Тваёй касы крануўся русай...
З табою дыхаць мне лягчэй,
Прасцей быць шчырым беларусам.
08.03.2019.
Жаночы дзень
© Copyright: Валерий Познякевич, 2024
Свидетельство о публикации №124040606622
Свидетельство о публикации №124040606622
Рецензии