На мамінай кашулі
Валошкі расцвілі.
На мамінай кашулі -- подых лета.
Там вышыты дарогі,
Якія нас вялі,
Да песьні дзён,
Што выспелі куплетам.
Прыпеў.
Глядзіць на свет кашуля
Азёрамі надзей.
У Бога папрашую я
Для мамы ў гэты дзень
Настрою і здароўя
І доўгіх год жыцця.
Хай лёс яе бароніць,
Пакуль жыве дзіця.
Хай Бог мяне пачуе,
І ласкаю сваёй,
Працягне дзён шчаслівыя сустрэчы:
Каб маміна кашуля
Квітнела дабрынёй,
Ніколі мне не ціснула на плечы.
Прыпеў.
Глядзіць на свет кашуля
Азёрамі надзей.
У Бога папрашу я
Для мамы ў гэты дзень
Настрою і здароўя
І доўгіх год жыцця.
Хай Бог яе бароніць,
Пакуль жыве дзіця.
21.03.2021.
Мамiна кашуля
© Copyright: Валерий Познякевич, 2024
Свидетельство о публикации №124040504719
Свидетельство о публикации №124040504719
Рецензии